حلوى رولو بلاكريم

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم اليوم جبت ليكم حلوى رولو بالشكلاط كتجي روعة متشبعيش منها

[ندعوك للتسجيل في المنتدى أو التعريف بنفسك لمعاينة هذه الصورة]

المقادير

6 بيضات
150 غرام طحين
150 غرام سكر
40 غرام كاكاو اسود بودرة
75 مللتر حليب
1 معلقة صغيرة قرفة (للي كيبغيها لانو ممكن نستغناو عليها)
1 خمارة الحلوة
2 سكر فانيلا

لاكريم غانحتاجو ليها

50 سنتلتر كريم فريش
50 غرام سكر كلاصي
6 مربعات شكلاط مذاب

بالنسبة للسيرو ديال السقي

250 غرام سكر
250 مللتر ماء

الطريقة

1-نفرقو صفر عن بياض البيض
2-نطربو
صفارالبيض و السكر و السكر فاني مزيان حتى يتضاعف الحجم ديالو ثم نضيفو
عليهم بودرة الكاكاو و بعد ذالك نضيفو الطحين مغربل مع الخميرة و القرفة .
3-نطربو بياض البيض حتى يطلع ثلج مع قريصة الملح
4-نسخنو الفران ثم نوضعو خليط الكيك في طاوة مكتلصقش اومفرشين فيها بابيي سولفريزي.. حضيوها حيت كتطيب دغيا.

ملاحضة : الطاوة فيها 45 سنتم في الطول و 30 في العرض و شوفو نتوما الطاوة الي تهز الخليط و يطيب الكيك ما رقيق ما غليض بزاف.

لاكريم فريش:

الي عندها غير كريم فريش خص تكون باردة و طربها في اواني بارده و من تشوفيها بدات كطلع عاد زيدي عليها السكر كلاصي .
ثم نخلطو معاها الشكلاط المذاب للحصول على كريما الشكلاطة.

ملاحضة الي عنددها الساشي ديال كريم شونتيي تخدمو مع لحليب لانهم بحال بحال.

بالنسبة للسيرو :

خلطي الماء و السكر و خليهم يغليو 20 دقيقة فوق نار متوسطة كيوليو بحال القطر.

--->من نخرجو الحلوى من الفرن خليوها تبرد ثم سقيوها بالسيرو و حاولو تلويوها بشوية باش تشد الفورما د رولو قبل منديرو فيها الكريم.
من تبرد كليا سرحو فيها لكريم و عاودو لويوها و زوقوها كيف ما بغيتو .
و خليوها في الفريزر 2 سوايع على الاقل قبل الاكل .
فكل ما بقات كلما كتزيان.
كنديرها في الصباح باش كتجي هي هاديك في الليل .
وبصحة و الراحة.

اضغطي هنا لتحميل كتاب الحلويات المغربية 2012

_________________

[ندعوك للتسجيل في المنتدى أو التعريف بنفسك لمعاينة هذه الصورة]

» حلوى جديدة
» ☼ ☼ حلوى لذيذة بالشوكلاطة ☼ ☼
» حلوى كوكاو ميرنكى
» حلوى مربعات باللوز
» حلوى الكرموسة (التين)