نكت جزائرية من عندي

10 ملاين

قالك وحد المرة دارو اعلان باش يمدو جائزة بقيمة 10 ملاين للشخص الي عندو 10 دراري
واحد السيد عندو تسعة قال لمرتو انا كنت متزوج امرا واحدة اخرى عليك
وعندي ولد معاها نروح نجيبو ونكمل العشرة وندي ال 10 ملاين راح وكي ارجع
ما لقاش الدراريري سقسى مرتو وين راهم الدراري قالتلو كل ذري جا باباه
اداه ?
....................................
قالك واحد كحلوش سقساوه علاش عينيه وسنانو كحولة?قالهم انا نهار سبغوني كنت مغمض عينيا وغالق فمي .
اهبطي
قالك واحد قال لخطيبته كي نتكلاكسوني عليك اهبطي قالتلو علاه ?... اشريت طوموبيل قاللها لالاه .... شريت زمارة.

...........................
سبته

قالك واحد السيد كان يسوق حبسو البوليسي قالو علاه ماراكش داير السبتة ? قالو نسيتها في السروال لاخر .
الساعة

قالك واحد سقسى صاحبو شحال راهي الساعة ?

قاتلو صاحبو راهي العشرة وعشرة قالو الاول علاه راك تطول فيها ...قول عشرين .. وهي فرات .

طوماطيش

زوج حبات طوماطيش كانو واقفين فالطريق ... وقريب ضربتهم طوموبيل
قالت وحدة للاخرى احوجيانا .... قريب ولينا كيما الهريسة .
عين

قالك واحد عينو خارجة ... قالو واحد الراجل مالها عينك خارجة?قالو لا ... غير انا الي راجع اللور.
..................................
قالك واحد الجحش صغير قال لبوه .. وقتاش نكبر ونولي حمار كيما انتا.
..............................
قالك واحد اشرى كبش . بصح ما عرفش يذبحو ايا ارجع السيد للي شراه من عندو وقالو نسيت حاجة ...ما عطيتنيش الكاتالوg نتاعو .
..................................
المدرس:لمادا يسمون اللغة لغة الام ? التلميذ :
لان الاب لا يجد فرصته في الكلام .
........................................
الزوجة: اااه لو كنت عصفورة
الاب: اااه لو كنت بندقية
.....................
المطرب: هل رايت كيف كان صوتي يملا القاعة ???

صديقه: نعم ورايت الناس يخرجون ليفسحو له المجال .
...............................................
دوش
هذا وحد السيد مشا يدوش ... وحد شوية دخلو الماء في وذنو .. ايا زاد دخل الضو .......وكراها .
خطبة

قالك واحد راح يخطب واحد البنت ....قالو باباها واش تخدم?قالو جارنا طبيب .

.............
قالك واحد شرب الزيت ... زلقت كرشو
....................
طلع البدر

قالك ليك .... هذا واحد الراجل ادخل للدار واسمع ولدو يغني طلع البدر
وهو في الحمام ( التوالات) ....ايا منين اخرج شدو وشبعو هراوة .. ايا جات
يماه وقالت لو : واش بيك ... علاش راك تدرب في الطفل .قاللها : اسمعتو
يقرا القران في الحمام . قاتلو : هاذاك ماشي قران ..هذاك نشيد .المسكين
امشا اتكى على المخدة وبدا يخمم. ايا جات عندو مرتو وقالت لو : ةقيلا
اندمت كي ضربت الطفل. قالها : ياو راني نخمم .... هذي عشر سنين وانا نصلي
بطلع البدر علينا .
فريجيدار

قالك ليك ... هذا واحد الراجل دا الفريجيدار عند الصانع ... قالو :
الصانع واش بيه .. قالو السيد : منين نجي نغلقو ...يطفى الضو ... ما افهمش
علاه ????
تعرف خير من الطبيب

قالك مرة واحد ادى يماه ( يماه عجوزة ) عند الطبيب .قالو الطبيب: لازم
اتزوج يماك .قالو : يا ودي يما راهي عجوزة كبيرة على الزواج .قاتلو يماه :
بلع فمك. انت تعرف خير من الطبيب .

جن في الدايرة
هذا واحد الجن الله يحفضنا مشا للدايرة .... بغا يخرج بطاقة التعريف
الوطنية ... ايا طلبولو شهادة الاقامة ... الجن مشى جابلهم راجل ...
قالولو : وهذا علاش جبته .?? قالهم : هدا هو العبد الي راني ساكن فيه .
fbi
ال فب اي نتاع الماريكان .اعتقلو واحد السيد شاكين فيه مجرم وقتال
كبير كي بداو يحقو معاه سالوه : واش اخر عملية اعملتها ? قالهم : المصران
الزيادة .
ارنب والجزر

مرة واحد عندو مزرعة ارانب ومزرعة جزر . كل يوم الارانب تاكل الجزر .
فقال صاحب المزرعة : لازم انحي اسنان الارانب . وفعلا عمل ذلك ونحى اسنان
الارانب . جاء في يوم المةالي فلقي الجزر غير موجود . فراح مسك ارنب
وقالها : وين راه الجزر ? فقالت الارنت : عملناها عثير . يعني عصير

قالك تاني واحد السيد مهبله فار دايما ياكلو الشكولا ايا مرة قبض عليه ونحالو سنانو

ايا المرة الجاية تاني ما لقاش الشيكولا قبض عليه وقال كي درت للشيكولا

قالو الفار نمثها ومنطلقث ...يعني نمصها ومنطلقش


خلاص عييت حتى لمرة اخرى نزيدلكم