(¸.•'´(انسى جوع رمضان ولا تنتظر ادان المغرب بهده النكت المغربية 100% )`'•.¸)

هادا واحد الاستاد كيعلم لواحد التلميد عملية ناقص، قال ليه: جوج ناقص جوج شحال تيبقى ؟
التلميد : معرفتش
الاستاد جبد ليه جوج كرواصات، وقال ليه : شحال هادو؟
التلميد :جوج كرواصات
الاستاد :هاك كول هادي، زيدك هادي، شنو بقى دابا ؟
التلميد: شي بـرّاد ديال اتاي بعقلو



علي وبراهيم تشاركوا ف حانوت



واحد النهار، ناض علي علق على الحانوت پلاكة مكتوب عليها بالفرنسية



Alimentation générale



جاء براهيم قرا الپلاكة وكعا، وهو يبدلها ودار فيها



Brahimentation générale



هادو رباعة ديال المكلخين عندهم حفرة فالحومة، ناضوا تجمعو باش يلقاو شي حل
قال ليهم واحد: نديروا شي فرملي ف الحفرة، باش اللي طاح فيها يداويه ف البلاصة
قال ليهم واحد اخر: لا نجيبو لابيلانص حدا الحفرة، باش اللي طاح نديوه فيساع للسبيطار
هدر واحد اخر: نريبوا داك السبيطار، ونبنيو واحد اخر
ناض واحد قال ليهم: وا لا! خاصنا نسدو هاديك الحفرة...
ونحفروا وحدة أخرى قدام السبيطار



جوج برغوتات كانوا ف الحمام
وحدة قالت لصاحبتها: نمشيو على رجلينا أولا نشدو كلب؟



واحد السيدة حطات ثوب عند الخياط باش يصوب ليها جلابة
ملي جات تاخذها، قيساتها قدامو وجاتها قصيرة
الخياط عرف راسو قفرها، قال ليها: طواليتي يا العفريتة



هادا واحد مشى للفرماسيان وقال ليهم: بغيت الحليب ديال الدراري الصغار
قال ليه مول الفرماسيان: أشنو سميتو؟
قال ليه: مروان



قررت شرطة المرور تكافئ كل واحد داير حزام السلامة
لقاو واحد مبوق سايق طوموبيلتو وداير الحزام، وعطاوه 2000 درهم
وسولوه: أشنو غادي تدير بهاد الفلوس؟؟
قال ليهم: نزيد عليهم ونمشي ندوز بيهم لبيرمي



شي وحدين جالسين كايتكيفو.
داز حداهم واحد الشيباني، قال ليهم: حرام عليكم
قالو ليه: وعليكم الحرام



سولو واحد المحشش : إيلا كان التدخين محرم، أش يكون الحشيش ؟؟
قال ليهوم : احتمال يكون ذو القعدة